Euskal Dantzak ikasteko APP
Ikas ezazu Jauziak dantzatzen, urratsez urrats eta zure erritmoaren arabera, bideo eta irudien bidez.
Jauziak euskal dantza tradizionalak dira, eta taldeka dantzatzen dira, biribilean. Izen propioa duten hainbat urratseko segidak osatzen dituzte Jauziak izeneko dantza ugariek, eta, gaur egun, erromerietan dantzatzen dira. Dantza errazteko, urrats bakoitza iragarri ohi da.
Bideo eta irudien bidez, mugimendu bakoitza urratsez urrats sakontzeko aukera ematen du Jauzik. Urratsez urratseko entrenamendua eskaintzeaz gain, app-ak dantza oso baten musika entzuteko aukera ematen du, ahots batek urrats bakoitza iragartzen duen bitartean, erraztasunez dantzatu dezazun, urrats guztien segida buruz ikasteko beharra eduki gabe. Denborarekin, dantzak osorik ikasiko dituzu.
Ikasi nahi duzun urratsa hautatu, nahi duzun guztietan bideoa ikusi, eta mugimendu bakoitza imitatu ezazu.
Dantza eta urratsak zailtasunaren arabera daude sailkatuta, pixkanaka eta zure erritmoaren arabera ikas dezazun.
Urratsak menderatzean, gai izango zara ezagutzen diren Jauzi guztiak nahi duzun lekuan dantzatzeko: lagunen artean, jaietan…
Jauzi ohitura eta dibertsioa da. Euskal dantza herrikoi hau ikas ezazu, erraztasunez, urratsez urrats eta zure erritmoan, eta zuk bakarrik, lagunekin edo senideekin dantzatzeko aukera izango duzu. Praktikatu ezazu herriko jaietan edo nahi duzun lekuan.
App-a euskaraz eskura daiteke, iOS edo Android sistemetarako. Laster gaztelaniaz ere egongo da.
Ezagutu itzazu azken berriak.
Ekintza honek Bizkaiko Foru Aldundiaren laguntza jaso du 
Hezkuntza, Hizkuntza Politika eta Kultura Sailaren Hizkuntza politika sailburuordetza 
